START | Veneziani | poesie veneziane originali, terza parte.

LA PAR ‘NA FIABA
[Fabio dal Cin]

Ghe gera ‘na volta
e dopo più de dozento
lustri, ghe ze ancora,
‘na çità che vive
puzada sora l’aqua
ancùo come alora.
La ze nata come par incanto
ne’l cain de la laguna
la vien ninolada da le onde
come drento ‘na cuna.
Maravègia de le maravègie
la gà la sàgoma de un pesse
e l’aqua cofà un strighezzo
sie ore la cala e sie la cresse.
El canalazzo, come un fosso
tàgia in do sta fortezza
o un ponte levadòr a Rialto
che se alza in grandezza.
Come ‘na torèta de un gran maniero
el “Paròn de casa” fà da guardian
lù, tien de òcio i domini
de tuto el Regno Venessian.
‘Na Republica marinara
co’l leon de San Marco
che sventola in bandiera
co’l Doge in Bucintoro
che se sposa co’l mar
donandoghe ‘na vera.
Forzier Bizantin che conserva
slendòr de tesori e favolosi zogeli
la Basilica co i mosaici, le ciese
la Cà d’Oro e i palazzi sò fradeli.
Ma, ‘na malediziòn pesa sòra
sto Reame che l’aqua circonda
prima o dopo el mar, lo vedarà
che’l se nega e che’l sprofonda.


Ze passae guere, pestilenze,
batagie, lote e dure carestie
a “Serenissima”, Regina dei mari
le gà vinte, la ze ancora in pìe.
Venessia ‘desso se varda
drento el spècio de la laguna
lù ghe dise:”Cussì bela al mondo
… no ghe ne ze nissuna”,

… racontarla ‘desso, … la par ‘na fiaba.


DO DONE
[Maria Pia Lo Vullo]

Nuvole de parole nere
vien su da l’orizonte
Se vede – se capisse
che a barufar le xe pronte

Tirai xe quei do musi
le man tute nervose
Vardandose l’un l’altra
s-ciopar le vol co la ‘ose

Eco ‘rivà el momento
scatenà xe l’uragan
El çièlo sa fato scuro
partie le xe co le man

Tirandose i cavei
corone de le done
Che rosario vien fora
parole e parolone

Dei pari e de le mari
scoltemo ‘na gran storia
Dei corni dei marii
l’una staltra ingloria

Come in un dolse amplesso
ciapandose per le strasse
E se rodola par tera
in mezzo a de le scoasse

Brassi – gambe – cavei
xe solo confusion
Se ferma ancora zente
e altra vien al balcon

Bisognaria fermarle
se sente mormorar
Ma meterse la in mezo
nissun ghe vol tentar

Le onge le tira fora
come do gati mati
Sgrafando le tira calci
e le spua ancora fati

Schei – roba rubada
cambiali no pagae
No se capisse ben
done disonorae

Par che no le vogia
finirla proprio più
Le xe sempre par tera
e no le se tira su

Vardele! Le xe ridote
come do carbonere
Sporche – strassae – sfinie
però le xe dòne vere

Barufa le ga fato
no se sa ben parché
Ma chi che ga capio
parla de “amor a tre”

Pian – pian ‘desso le se alsa
metendose un fià a posto
Le tenta de parlar
ma ormai spuà le ga el rospo

Ancora ‘na ociadina
passandose fra i cavei
Tanto per sistemarli
le onge e anca i dei

Co un gesto natural
ma pien de gran dispeto
Par chi le sta a vardar
le se sistema el peto

Va via in silensio la zente
. . . . . . . .
el çielo se ga s-ciario
. . . . . . . .
le done se ‘lontata
. . . . . . . .
e tuto xe finio.

EL MARIDOSSO
[Massimo Battistella]

Gavè provà cossa che se sente
a passar soto el Ponte dei sospiri
in gondola sentai, col vostro amor darente?

Gavè provà ch’el niovo smissiamento
che par ch’el vegna mai da chi sa dove,
mentre che el gondolier ralenta
per darve el tempo, come vòl legenda,
de strabasarve col passè de sòto?

E’l campanon che firma: “Ve sé sposai de boto!”.
Questo xe stà el nostro maridosso,
sensa parenti, preti, o gran nodari,
gera davanti solo el Testimone che vaéva,
che meritava maridar soto el bon Dio ‘sti boce,
la so Venessia, e del so campanon la voce.

RITORNO AL MIO VECIO AMOR !
[Mario Novati]
Bondi Venessia,
bondi tesoro,
bondi bel anzolo,
anozolo d’oro !

Son partio da ti,
Venessia mia,
son partio in gringola
son venuo in Canada.

Speravo de far soldi,
Venessia mia,
par ritornar da ti,
con la nostalgia !

Bondi bel cielo
bondi bel mar
me sento in forma
vogio cantare.

Go fato miseria,
in Canada
ma sempre co la speranza
a ti ritornar !

Venezia, amor mio,
verzime fora la storia,
tociaro` l’anema,
ne la to gloria !

Quando ritornero`
e ai Doxi cantero`,
virtu` de nobili e trofei,
co la voxe rota dei plebei.

Cento batalgie,
cento vitorie,
baloni e musiche
sagre e baldorie.

Son venuo a trovarte,
Venessia mia,
e go trova` la bucintoro
co la basilica de ta Ca’ d’oro

Ne la to vita
nei to ricordi
trovaro` el tema
par i nostri acordi.

Ma sastu che qua in Canada
no se parla e no se canta
saria come una casa da morto
che quando te ge si, te resti storto ~

Te resti storto de malinconia
Venessia Mia
Venessia mia
ciameme de ritorno che vegnaria!

Al mio riotrno da ti,
Venessia mia,
cantero` albe e tramonti,
la piaza el molo le cale e i ponti.

E via cantando
sempre de ti,
te diro` in ultima
bondi`, bondi`

Mi fasso el vecio disoupa`
lo fasso con passion,
te canto su le corde
‘na vecia canzon.

Ola`, Ola`, ola` !
Venessia mia cita` !
Che splendida cita` !
Ola` ! Ola` ! Ola`!
Venessia, magnifica cita` !

Bondi Venessia mia,
l’anema a ti se inchina
rideme co quei oci
profondi da regina !

Son venuo a trovarte
e te go trova bela .
Ma ti xe bela, sastu,
ma ti xe tanto bela,
no ghe ne altre al mondo!

Che campi, che canali,
che molo e che fassae;
le gondole se cicciola
davanti a le casae.

Me son mostra` un fia` da un pergolo
vardo el to canalasso,
rialto e l’academia,
oh ! Che piasser, che ciasso !

Te go trova,
Venezia mia,
te go trova` neta come un bocolo
tra fondamente e calete.

Ma co bela che te xe,
Venessia Mia
te prometo che ritornaro`
pa starghe, sta volta…e cosi sia !

Lezenda de San Marco
o fior de poesia,
prima pagina certo,
de sta Venessia mia !

Bondi Venessia,
Bondi tesoro,
bondi bel anzolo,
bel; anxolo d’oro !

VOGALONGA
[Gianni Riello (85 anni)]

Go dormio mal, go fato notolada
pensando e ripensando a sta longa vogada
cussì me alzo presto, a le sie de matina
verzo el balcon… che aria fina fina! Me descanto de boto
de late bevo un goto
tuto quelo che me serve xe drento del sporton i xe tuti che i dorme, mi sorto de gaton La cità xe silente
po’ pian pian vedo zente
ogni rio se raviva
tuti in barca su la riva Eco al squero i xe tuti che i core
riva el bafo, el rosada e po el tore
salto a pope e col remo
slargo a riva… ghe semo! Fora in rio l’aqua che pasa
ne caresa a vose basa
dago tempo al vogar, alsando vose
me faso de longo el segno de crose Dopo, longo al canal, paso raso a na topa
el bacin xe za pien, el cuor drento me schiopa!
barche rose, blu, zale, bianche, nere, maron
tuti quanti che speta el sbarar del canon! Oro e rosso e bandiere, xe de oro el leon
vedo avanti na barca el xe bel gondolon
spenze un filo de bava al traverso, ma fina
i xe grosi quei tosi su quela rosa caorlina Eco el schioco!! e de boto tuti i remi xe zo
sento sgrisoli de drento, xe gran festa, lo so
tuti quatro che canta “voga al largo nochier”
va al mio vecio che sente, dolzemente un pensier Pasa el tempo, el ripasa, so za drento a Muran
e me sento un fià straco e go rota ‘na man
ma ‘na vose qua in testa, la me spenze a vogar
“no sta far deso el mona!” e continuo a vogar Eco! quando che imboco de le cane el canal
e soto ai tre archi in fila filar
co zente che a tuti ghe sbate le man
ghe torna le forse a sto fio d’un can! El xe el toco più belo de tuto el vogar
nissun verze boca, xe drento el cantar
mi vegno a premando, ramai semo in fondo
imboco la strada più bela del mondo! Me sento qua drento el cuor che fa un tonfo
me par de pasar soto un arco-trionfo
la barca sora l’aqua la sbrissa lesiera
e penso felise… che ciacole ‘sta sera! Za’ semo in Dogana piena de color
el me par un quadro del Guardi pitor
gavemo vogà su tanti canali
ma le xe tute qua, col premi e col stai! No semo parfeti, ciò… questo se sà
ma al colo la medagia i ne ga tacà
le man xe schincae i peti svodai
ma anca ‘sta volta ghe semo rivai!

QUANTO AMORE PER TE VENEZIA MIA
[Gianni Riello (85 anni)]

Tu remota e pur novella
picciola e pur immensa
frastornata e pur silente Tu ben determinata
e pur evanescente
inondata e pur d’acqua vivente Vado giostrando per tue calli
cerco e trovo vera grande storia vero genuino amore

BARENA LONTANA CHE TASE
[Gianni Riello (85 anni)]

Barena siLente
‘na barca e po gnente
el sol va a ponente
no….no ciaco?ar Le dežgrassie xe al bando
?ežiero vagando
?’aqua caressando
sparìo el ciaco?ar Na fata Morgana
Venessia ?ontana
?ontana cavana
?a ?o el ciaco?ar ?a barca che passa
Co ‘na vo?e bassa
‘na sia ?a ?assa
sensa ciaco?ar Ne ?’aqua xe drento
medage d’ar?ento
sul trasto me sento
no….no ciaco?ar Mi stago a scoltar
al si?ensio robar
tuto que?o che el sa dar
via….via el ciaco?ar Sèlega sensa fià
in prova ?a sa pusà
de mi ?a se ga fidà
no stago a ciaco?ar ?’aqua xe sio?o
me sento ben so?o
el cuor se fà mo?o
mai più ciaco?ar El sol xe ?a ?o
più tempo no gò
in rio tornarò
spario el ciaco?ar SQUERO VECIO
[Gianni Riello (85 anni)]
Vecio squero malandà
roto, sporco, abandonà
quatro to?e incario?ae
do bate?e scavezzae Quanto tempo sen?a vita
che pecà co l’aria ?ita
ti gavevi l’ocio smorto
po de ti i se ‘na incorto Co la bona volontà
suso ancora i tà tirà
i ga messo amor de drento
ti xe come al sete?ento Giusta i muri co ?a cal?ina
?onta to?e, dri?a pa?ina
meti a squara ben ?a riva
tuti i copi meti in riga Pian piane?o el cambia muso
no se vede gnanca un buso
forte el dise “So contento
i me ani no ?i sento” Quà ?o varda tuti quanti
?o pal rio de Mendicanti
riva sando?i mascarete
piturae rosso parféte Vien gagiardo el gondo?on
che de tute el xe el paròn
poco dopo, un scianto indrìo
be?a caorlina imboca el rio Remi, forco?e, pagio?i
via in barena tuti i fioi
tute ?e barche va sicure
fin a tardi, a ?e ore scure Parchè co ?e torna indrìo
vecio squero fa da nio
?u de tute el fa un fagoto
?e cover?e sora e soto El xe come ‘na gran mare
fora i fioi nol vol ?asàre
anca se xe lampi e toni
sera porte e po balconi Quando i omeni xe a casa
?e barche taca ?a ciaco?ada
parla el sando?o Gabian
“Mi so andà fin ?o in bacàn” Ghe risponde ?a mascareta
“Soto el ponte de l’Anconeta
i m’à dito che so be?a
mi me go sentìo ‘na stela” Squero vecio scolta e tase
po el le fa dormir in pase
fora in rio, l’aqua che passa
lo caressa a vose bassa Desso lu xe tuta vita !
l’aria no, no xe più sita !
l’ocio suo no xe più smorto !
squero vecio xe risorto !

SIOR ANTONIO RIOBA
Renato Coller
(tratto da: Toni Buriòndolo & Soci)

Muso filà, ‘na suca
de marmo per barèta.
La borsa de la grana
sora el brasso
da bon mercante
el se tien da conto.
La velada ghe russa per tèra
tagiada da un sartor de pière.
Sior Antonio Rioba, incantonà
el tien de òcio
campo, fondamenta e gati
e ‘l pindolo che ‘riva
tirà da qualche pandòlo.

Na volta i ga mirà
sul naso, adesso,
el ghe n’a uno de fero.
La costansa lo ga ‘bituà
che manco co la piova ‘l se ritira,
restando all’erta.
E quando qualche mamo,
o tùmbano che fusse, un corbatèlo
portasse al so inderisso,
stando serio ‘l se sfondària dal rider.

DA VENESSIA E A SO LAGUNA » « DEPUIS VENISE ET SA LAGUNE
[Claudio Boaretto]


Xe zà deboto do ani, Voici déjà bientôt deux ans,
Che, sensa rimpianti e sensa rancori, Que, sans regrets et sans rancunes,
Da una vogia de cambiar, En un élan dépaysant,
Gerimo retornai in Laguna, Nous repartîmes en Lagune,
Col mar in fondo ai oci, Avec la mer au fond des yeux,
Sule isole dei nostri antenati, Sur les îles de nos ancêtres,
Verso le seche dei nostri veci, Vers les hauts-fonds de nos aïeux,
Dove se incrosa un mucio de canali. Où tant de chenaux s’enchevêtrent.
Vogando al ritmo dele stagion, Voguant au rythme des saisons,
Drio del vento e dele maree, Selon le vent et les marées,
Ai orizonti maritimi, Aux maritimes horizons,
E nostre barche se gà ormegià. Nos barques se sont amarrées.
Drio le rive piene de sol, Le long des quais ensoleillés,
i nostri destini va su e zò come le onde, Nos destins vaguent et divaguent,
Sempre pronti par salpar Toujours prompts pour appareiller
Par campi de onde che te incanta. Aux envoutants terrains de vagues.
Dala Venessia de na volta, De la Venise de jadis,
Dai so lidi aluvionari, De ses lidos alluvionnaires,
Ve mandemo par el domila e diese Nous vous mandons pour deux mil dix
i nostri auguri più lagunari. Tous nos vœux les plus lagunaires.

CHE PECA’……VENESSIA……..EL PROGRESSO
[Giorgio Bon]

SAN MARCO – RIALTO – SAN GIORGIO – VISTI IN GUIDA O CARTOINA
PAR CHE A VENESSIA SIA RESTA’ TUTO COME PRIMA
MA SE TI VA A FAR UN GIRO PAR LA CITA’
TI TE ACORSI CHE TUTO XE CAMBIA’

CHE PECA’
NO VEDER PIU’ IN CAE E NEI CAMPIEI
CORRER E ZOGAR NUVOE DE PUTEI
QUATTRO CANTONI – E SCONTE – LIBERA DON DON
EL TACO – I CIMBANI – EL CAMPANON

COL PROGRESSO
SERAI’ IN CASA – VARDAI OGNI MOMENTO
PAR PAURA DEA DROGA O RAPIMENTO
PLAI STESSION – INTERNET – ZOGHI IN TELEVISION
MESSAGGI – FOTO – FILM D’ANIMASSION

CHE PECA’
NO VEDER PIU’ E VECIE OSTARIE
AL BOMBA – LA FRASCA – ALE BECARIE
CO IN FILA SUL BANCO PIATTI DE CICHETI
MEZO VOVO – SPIENZA – O SPIEDIN DE GAMBARETI
TUTO GUSTA’ – CO CALMA VENESSIANA – SENSA FRETA
E BEVER UN SPRIS COL BITTER O LA CLASSICA OMBRETA.

COL PROGRESSO
CAMBIA’ GA EL NOME LA XE ENOTECA
OSTARIA CO L’ACCA – FAST FUD – PANINOTECA
L’OMBRA NEL BALON – EL PROSECCO IN FLUT
TUTTO XE DOC DAL MERLOT AL SPUMANTE BRUT
E – I AVENTORI COL BEVARON IN MAN – SUL PONTE SENTAI
CO LA SPERANZA DA CHI PASSA ESSER VARDAI

CHE PECA’
ANDAR A SPASSO PAR E MERCERIE E NO TROVAR E BOTEGHE GHE GHE GERA
MARFORIO – PETTINELI I DISCHI DE BARERA
CO E VETRINE BEN CURAE E ACATIVANTI
DA INVITAR A COMPRAR TUTI I PASSANTI.

COL PROGRESSO
TUTTA ROBA DE MARCA FIRMADA DA STILISTI
CAPI GRIFFAI – MODEI STRANI – ROBA PAR TURISTI
INDOSSO A MANICHINI DURI IMPALAI
CON VISI BIANCHI DA PARER MALAI
PAR NO PARLAR DEI PRESSI – UN’ESAGERASSION
SOLO A VARDARLI TI VA IN FIBRILASSION

CHE PECA’
NO VEDER IN GIRO PAR I CANAI
IN SANDOLO BURANEO I VIGILI COMUNAI
ATTENTI E PRONTI CO NA’ MULTA PUNIR
CHI SBATEVA DAL BALCON LA STRASSA DA FURBIR
O SVELTI SVELTI CORERGHE DRIO
A CHI DA UN PONTE SE GA BUTA’ IN CAORIO

COL PROGRESSO
TUTI IN UFICIO – DARENTE AL MONITOR SENTAI
ATENTI A QUEL CHE SUCEDE IN CAMPI E CAI
MA SE IN STRADA UNO STA MAL O VOL UN’INFORMASSION
NO TI GHE NE TROVI UNO DA SAN PIERO A LA STASSION

CHE PECA’
EL MERCA’ DE RIALTO – PIEN DE VERDURE E FRUTTA VARIA
CO NARANSE E MANDARINI A PROFUMAR L’ARIA
PIRAMIDI DE POMI –SUCHETE E MELANZANE
FONDI DE ARTICIOCHI – CASCHI DE BANANE

COL PROGRESSO
SPECIALITA’ VENESSIANE MODEI ORIGINAI
MA VARDANDO BEN DAPARTUTO UGUAI
MASCARE FATTE IN CINA – GONDOLETE STRANE
CO CARILON CHE SONA CANSON NAPOLETANE.

NOSTALGIA – RIMPIANTI – NO SOLO CONSTATASSION
PAR NA’ CITA’ CON SIMILE STRUTURA – NATA PAR VOLONTA’ DE LA NATURA
OGNI MODERNITA’ XE ‘NA BRUTURA.
COME – PAR SEGUIR LA MODA CHE NE CIRCONDA
FARGHE E LABRA AL SILICON AL SORISO DE LA GIOCONDA!!!

Venezia
[Simonluca Bortolozzo]

LA MIA CITTA’ E’ UN PESCE DI PIETRA
MORTO E DISTESO SOPRA UN TAPPETO DI STUZZICADENTI
CHE UNA VOLTA ERANO UN BOSCO

LA MIA CITTA’ E’ UN LABIRINTO DI PIETRA
SENZA ENTRATA E SENZA USCITA
PERO’ IL BIGLIETTO LO PAGHI LO STESSO

LA MIA CITTA’ E’ UN’ISOLA CHE VUOLE SCAPPARE
UNA SIRENA CHE NUOTA IN ACQUE CONTAMINATE
DOVRA’ ROMPERE IL CORDONE OMBELLICALE

LA MIA CITTA’ E’ UNA VECCHIA CHE NON HA PIU’ LA FORZA DI LAMENTARSI
INVASA DA MILIONI DI FORMICHE
CHE PAGANO PER VEDERE LA SUA LENTA AGONIA

LA MIA CITTA’ E’ UN MUSEO SENZA SOFFITTO
APRE LA MATTINA E CHIUDE LA SERA
PERO’ QUALCUNO RESTA DENTRO

LA MIA CITTA’ E’ UNA PUTTANA
OGNI GIORNO VENDUTA E STUPRATA SI METTE IN POSA
FOTOGRAFA ANCHE TU LE SUE FERITE

LA MIA CITTA’ NON E’LA MIA CITTA’
ODIA ANCHE ME
CHE NON HO SAPUTO AIUTARLA

Mòmolo e Càte
[Gianni Vivian]

I gèra tuti do veneziani biòti
lu de santa Marta e ela da Castèlo…
Lu belo in candèla, no tanto alto ma
co i cavèi rizzolèti, un per de mustacèti
senpre curài, vestìo in cìcara e neto cofà
‘na bula, la bagolìna, el capèlo de pàgia,
ogni tanto el vegnìva co la chitàra gratàndo
le corde e un pochèto de vose el asenàva
a le “quaranta canzonète”…
Ela gera ‘na squìncia senpre co le ganàsse
piene de sbelèto, i cavèi pontài co un cocognèlo:
– Chi bela vol parèr la pele de la testa
ghe ga da dolèr…
Drento ‘na veladìna ciuciàda, scanàda, ingogiàda
che ghe tiràva al peto e el culo, un sìdio de fèmena
senpre co la boca ‘vèrta par criticàr e straparlàr de
tuti, de belo la gavèva do oci slusènti cofà un balàsso…
– Vorrei baciàr i tuoi capelli neri, gli occhi tuoi sinceri…
a fàrghe tute le bele belìne, a gondolàrla a dìrghe parole
piene de Amor:
– Vu si le baìse de’l mio cuor…
Le so amìghe invidiòse a dìrghe che la gavèva trovà la
bàla d’oro ma dopo i confèti vien fora i difèti…
El fassèva el pitòr co ‘na ànda che no te dìgo a bel belo che nissùn ghe corèva drìo co i bèzzi che no rivàva e no stropàva,
tuto fato a la babalà, a ‘rivàr cico cico a la fine de la setimàna
par po’ dopo mandàr li àbiti a studiàr, do penelàe, do ònbre,
gèra più el tenpo passà al bàcaro che ranpegà su par la scàla
co la penelèssa…
-Desgrassìa vien casa…buèlo marso…dàme i schei par far la spesa…
Dai Cate…fèrmite…magna calcòssa…
Drio la stràda gera tuto un tarocàr, un criàr…
-Maledèta quèla volta…ah, se gavèsse ‘scoltà mia mare…
Po’ dopo in leto i tornàva a far la pase…
-Te zùro che domàn cànbio…
ma domàn gera la stessa sòlfa…sìcut era…e intànto la pànza
cressèva…cressèva…ogni ano ‘na creatùra ‘nosènte come che la fusse stàda ‘na cunìa…

Me so insognà
[Gianni Vivian]

Me intabaràvo ne’l garbìn
e de lusariòle slusènti un fiantìn,
ne l’oro fiamànte de’l formentòn
par pituràrme tuto de emossiòn…

Co ‘ste perle de bròsa e aguàzzo
‘na longa colàna interzàda me fàsso,
me càvo scarpa e anca el calzèto
e su la spagna a pie nui me meto
po’ dopo, cussì tuto d’un tràto
me mèto a cantàr e sìgo da màto
tuto ‘sto morbin che ‘ dòsso se méte
spàsema sitòni, pavège e seleghète
i làvri sporchi e la canotièra strapàda
par tuti quei graspi de ùa robàda,
le man, i cavèi e parfìn su l’òcio
pièn de sginzi de fàngo e de pòcio,
cìcare, vandòti, gorne che baraònda
co tuti quei cògoli tirài co la fiònda…

Zè stà cussì dolse, cussì caro e belo
me so insognà che gero tornà putèo…

Esodo
[Gianni Vivian]

Adìo
fenèstra inpissàda su’l rio
co i pitèri de geràni e de basegò,
adìo canpièlo co la vera de’l pozzo
tuta lustra e consumàda, la salizàda
dove che se zogàva el canpanòn…
Adìo
altàne dove che sventolàva ninziòli cofà
bandière co le rose ranpegànti e i feralèti
adìo
portòni dove che drènto se se dàva i prìmi
bàsi, se se zuràva eterno Amòr…
Adìo
colònbi sprotòni e miseròni col vostro tugàr
co i vostri svòli de nòzze…
Adìo
traghèto co la gòndola pièna de fèmene e de
spòrte, el bràzzo gagiàrdo de’l gondolièr,
la scàtola de làta dove che sonàva ‘na palànca…
Adìo
san Micièl ‘desso cari i me veci restarè soli
ma inmànco dormirè ‘ncòra ne’l bonìgolo
de la lagùna…
El bùrcio a mutòr zé càrgo de massarìe,
so incantonà in t’un cantòn, stòrno, inbaucà,
me par de vivèr in t’un sogno e invèsse i zé drio
scortegàrme l’ànema, tochi de pele che resta
tacài a ‘ste pière strigàe, colpi de manèra che spàca
la me vècia piànta e che mete a nùo le me raìse par sènpre…
Li òci zé suti, gnànca ‘na làgrema, drento so svòdo
cofà un scòrzo de garùsolo…
Sèmo ‘rivài al Tronchèto, ancùo Mestre sarò da ti,
no ‘spetàrte che te vògia un fià de ben, ti lo sa che
el me cuor, le me vìssare zé restàe dove che pière
e aqua zé ‘na sola carne:
Adìo
Venezia, adìo mare mia…

Dona inamoràda
[Gianni Vivian]

Se ti càpiti e Venèzia
no stà crèder de èsser ‘rivà a Disnilànd
o ne’l paèse de le monàe parché quando
che ti la vedi par la prima volta te ti inamòri
cussì de colpo cofà el fusse el to primo Amòr,
come che la fusse ‘na to conpàgna de scuòla…
Fursi ti credèvi che i so abitànti fusse anfìbi,
meze rane e mezi òmeni, o mezi cocài e mezi crestiàni,
fursi i più veci ga subìo de le metamòrfosi e mutassiòn
co’l passàr de’l Tenpo cussì se ti vedi qualche vecio
che va a voga sforzàda su e zo par i ponti sertamente
no zé parché el ga le pìne ai pìe ma zé parché no’l
ghe la fa più a ranpegàrse…

Vògighe ben a ‘sta sità
ma quando che se vol ben se asetà l’altra metà co tuti
i so prègi co tuti i so difèti, difèti che vien fora dopo
i confèti, Venezia zé ‘lòra come to mama, i tui de casa,
el to paese, la to patria, la to bandiera, donca ti la devi vardàr
co li òci de l’Amor, asetàrla co’l sol, la piòva, el calìgo,
l’aqua alta, quando che la zé ‘pèna svègia, senza trùco,
co le scoàsse che galègia, in quèle zornàe quando che la
zé tuta in grìngola co le fazzàde de i palàzzi che par
de merlèto, quando che el calìgo fisso fisso la veste
de tul robàndoghe tute le so fatèzze, quando che i vaporèti
no sìrcola o i fa siòparo e ti te toca ‘ndàr tòrzio su ‘ste
pière slìmeghe, quando che l’aqua alta la violènta senza
remissiòn, covèrze tuto squàsi la volèsse negàr e ela
zé là, ofèsa, indifèsa, pòvara gràma, sbandonàda co quel
udòr da freschìn che fa moto de stòmego, co le bòzze
de prastica che fa bòvolo, co queli turìsti desgrassiài
che se divèrte a caminàr a pìe nui, a fotografàrla ne la
so angonìa e senza nissùna pietà…

Ma ti continua senpre a volèrghe ben
par tuto quel grando Amor che la te dà, no stà tratàrla
co conpassiòn, co suficènza, superiorità e destàco,
co desprèssio anca se so fiòi ingrati te la buta tra i bràzzi
come la fusse ‘na consumàda putàna vestìa de false zòge
de gòndole de pràstica co de le lucète che fa da piànzer
e màscare co la musàna da Pierò co quèla falsa làgrema,
tiènte in mente che ela la zé senpre quela gran Regina,
quèla dama degnitòsa de antìghi sprendòri quando che
el so liòn de san Marco ruzàva e dava de quele zatàe che
metìva ne la pòlvare tute le altre bandière, làssa star i specèti
par le lòdole, quel turismo mòrsega e scànpa, quèli foresti
che se porta via tuto da càsa, che i magna i panìni sora
i monumenti e i buta carte oleate e latine par tera…FERMITE,
ciàpa a caso ‘na cale, un sotopòrtego, un canpièlo, un pònte,
no stà ‘vèr nissùna prèssa, no stà còrer, stùa el telefonìn,
bùta via i catìvi pensièri e le preocupassìon de’l momento,
l’dio e el prezudìssio e va’…va’…

Colònbi inponarài, gati che se scàlda al sol, vèce sentàe fora
in corte che fa la càlza, putèi che zoga al canpanòn, che salta
sora la vera de’l pozzo, gòndole che se nìnola tacàe a le brìcole
co l’aqua che tònbola su i scalìni vestìi de àleghe de velùdo:
-Pope…Oe…- quel reciàmo inprovìso de’l gondolièr che
desmìssia el rio insonà, va’…va’…e ela te ciàpa par man, la te conpàgna, la se làssa conpagnàr, la te sporze i bràzzi come la fùsse to mama, come che i fùsse ziòghi de inamorài e te par
de sentìrte sbrissàr via, de èsser sòra la giòstra a pelàe, e quèli
sgrìsoli caldi, quel sangue che par che’l bògia…Ogni tanto alza
la testa e scovèrzi altàne, cube, canpanièli, svòli inprovìsi de cocài…

Fèrmite… va drènto par un momento in quela pìcola ostarìa,
inpenìssite le rèce de la vera esènza de ‘sto pòpolo, el so parlàr
che par ‘na musica, urla e biastème de boche onte e sporche,
inpastàe de ònbre de vin, de quel àntigo avànto de superiorità:
– Ciò canpagnòlo…sèra par un momento li òci e pensa al
Goldoni, a Cesco Baseggio, a Tonìn Michelùzzi, a Wolf Feràri, a le barcaròle…Dimànda quel piàto fredo de pasta
e fasiòli, do sardèle in saòr, i nervèti cònzi, do folpèti, e bagna
el tuto co do ònbre finchè le rèce te deventàra rosse, quando
che i to oci se farà sberlusegànti e picenìni co’l sangue che
scomenzàra a corèr gagiàrdo come cavàlo al troto, ‘lòra va
fora a ciapàr ‘na bocàda de aria, sèntite su quela banda, sbandònite, vèrzite el colèto e la camìsa e lassa che’ garbin
te basa e ti ìnvolza e ‘scòlta…’scòlta ‘sto gran silènzio fin che te
pararà de sentìr parfìn la so vose…vose de dona inamoràda…

A Venezia tutti dicono...
Muoversi a Venezia. Un tentativo...
a5
Miti culinari dei veneziani
Vivisezione di alcuni tipici oggetti ...
Le mete turistiche preferite...
Saggezza popolare: ignoranza e basta?
Cesare Colonnese
La rubrica di Mat
Gli ex-venditori di grano per i colombi
I vigili
I sbarbai
Soprannomi dei gondolieri
i colombi
Natasha
Pendolari, questi sconosciuti
Gondolieri, romanticoni o...
Verbi veneziani
Piccola raccolta di ninnananne...
Fabrizio Tamburini
Moda a Venezia
Termini comuni che non si usano più
Quelli delle bancarelle
Gli intromettitori
I cantanti delle serenate in gondola
Poesie veneziane
Le vignette di Lele Brunini
Le frasi matte dei turisti
San Martin
Modi di dire
Dizionario veneziano-inglese
Le canzoni delle serenate.
Espressioni dialettali veneziane
Ricette venessiane tipiche
Giuochi: quelli che si facevano...
I tassisti
Gli abusivi
I portabagagli
I veneziani comuni
Ada
Il nostro leone
Tony
I gatti veneziani

info

  • Associazione Venessia.com
    Numero 2850
    Delibera iscrizione 92 del 27/05/2010
    Finalità Soldarietà/Promozione Sociale/Cultura
    PI: 94072520276
  • Castello 2161, VENEZIA
    mail: venessia.com@gmail.com